ਪੈਰੋਲ ਤੇ ਬਾਹਰ ਆਏ ਬਾਬਾ ਗੁਰਮੀਤ ਰਾਮ ਰਹੀਮ ਤੇ ਲਾਗੂ ਹਨ ਇਹ 17 ਸ਼ਰਤਾਂ

ਕਿਸੇ ਇਕ ਸ਼ਰਤ ਦੀ ਉਲੰਗਣਾ ਕਰਨ ਤੇ ਰੱਦ ਹੋ ਸਕਦੀ ਹੈ ਪੈਰੋਲ

ਪੈਰੋਲ ‘ਤੇ ਬਾਹਰ ਆਉਣ ਤੋਂ ਬਾਅਦ ਵੀ ਗੁਰਮੀਤ ਰਾਮ ਰਹੀਮ 17 ਸ਼ਰਤਾਂ ਦੀਆਂ ਜੰਜ਼ੀਰਾਂ ‘ਚ ਜਕੜਿਆ ਹੋਇਆ ਹੈ। ਇਹਨਾਂ ਵਿੱਚੋਂ ਕਿਸੇ ਵੀ ਸ਼ਰਤ ਦੀ ਉਲੰਘਣਾ ਕਰਨ ਦੀ ਸੂਰਤ ਵਿੱਚ, ਉਸਦੀ ਪੈਰੋਲ ਰੱਦ ਕੀਤੀ ਜਾ ਸਕਦੀ ਹੈ। ਇਹ ਸ਼ਰਤ ਪੱਤਰ ਸਹਾਇਕ ਸੁਪਰਡੈਂਟ ਜਗਵੀਰ ਸਿੰਘ ਨੇ ਰੋਹਤਕ ਦੇ ਡਿਵੀਜ਼ਨਲ ਕਮਿਸ਼ਨਰ ਦੀ ਤਰਫੋਂ ਜਾਰੀ ਕੀਤਾ ਹੈ।

ਪੈਰੋਲ ਦੇ ਸਮੇਂ ਦੌਰਾਨ ਗੁਰਮੀਤ ਰਾਮ ਰਹੀਮ ਦੇ ਆਚਰਣ ਅਤੇ ਗਤੀਵਿਧੀਆਂ ਦੀ ਹਫਤਾਵਾਰੀ ਰਿਪੋਰਟ ਖੇਤਰ ਦੇ ਇੰਚਾਰਜ ਕਮਿਸ਼ਨਰ ਨੂੰ ਸੌਂਪੀ ਜਾਵੇਗੀ ਅਤੇ 15 ਦਿਨਾਂ ਦੇ ਅੰਦਰ, ਤਹਿਸੀਲਦਾਰ ਸਾਰੀਆਂ ਗਤੀਵਿਧੀਆਂ ਦਾ ਵੇਰਵਾ ਜ਼ਿਲ੍ਹੇ ਦੇ ਡਿਪਟੀ ਕਮਿਸ਼ਨਰ ਨੂੰ ਭੇਜੇਗਾ।

Dera Sacha Sauda , Gurugram (Harayana) Photo Credit : Amarujala

7 ਫਰਵਰੀ ਤੋਂ 27 ਫਰਵਰੀ ਤੱਕ ਗੁਰਮੀਤ ਰਾਮ ਰਹੀਮ ਨੂੰ ਪਰਿਵਾਰਕ ਮੈਂਬਰਾਂ ਨੂੰ ਮਿਲਣ ਲਈ ਪੈਰੋਲ (ਆਰਜ਼ੀ ਰਿਹਾਈ) ਦਿੱਤੀ ਗਈ ਹੈ। ਇਨ੍ਹਾਂ 17 ਸ਼ਰਤਾਂ ਵਿੱਚ ਇਹ ਸ਼ਰਤ ਵੀ ਸ਼ਾਮਲ ਹੈ ਕਿ ਉਹ ਛੁੱਟੀ ਦੇ ਸਮੇਂ ਦੌਰਾਨ ਕਿਸੇ ਵੀ ਜਨਤਕ ਸਥਾਨ ‘ਤੇ ਨਹੀਂ ਜਾਵੇਗਾ। ਇਸ ਤੋਂ ਇਲਾਵਾ ਕੋਈ ਵੀ ਪ੍ਰਬੰਧ ਨਹੀਂ ਕਰੇਗਾ। ਕੋਈ ਵੀ ਸਮਾਗਮ, ਪ੍ਰਵਚਨ, ਤੀਰਥ ਯਾਤਰਾ, ਧਾਰਮਿਕ ਜਾਂ ਸਿਆਸੀ ਸੈਮੀਨਾਰ, ਭਾਸ਼ਣ ਆਦਿ ਦਾ ਆਯੋਜਨ ਜਾਂ ਆਨਲਾਈਨ ਨਹੀਂ ਕੀਤਾ ਜਾਵੇਗਾ।

part time jobs — Full Time & Part Time Jobs

ਸ਼ਰਤਾਂ ਵਿੱਚ ਜ਼ਿਲ੍ਹਾ ਪ੍ਰਸ਼ਾਸਨ ਦੇ ਸਾਹਮਣੇ 10 ਲੱਖ ਰੁਪਏ ਦੇ ਬਾਂਡ ਦਾ ਭਰਨਾ ਵੀ ਸ਼ਾਮਲ ਹੈ। ਇਹ ਵੀ ਕਿਹਾ ਗਿਆ ਹੈ ਕਿ ਰੋਹਤਕ ਜ਼ਿਲ੍ਹਾ ਜੇਲ੍ਹ ਸੁਪਰਡੈਂਟ ਗੁਰਮੀਤ ਤੋਂ ਸਬੂਤ ਹਾਸਲ ਕਰੇਗਾ ਕਿ ਉਸ ਨੇ ਇਸ ਪੈਰੋਲ ਦੀ ਵਰਤੋਂ ਉਸੇ ਮਕਸਦ ਲਈ ਕੀਤੀ ਹੈ, ਜਿਸ ਲਈ ਉਸ ਨੂੰ ਪੈਰੋਲ ਦਿੱਤੀ ਗਈ ਸੀ। ਸ਼ਰਤਾਂ ਵਿੱਚ, ਗੁਰਮੀਤ ਦੇ ਕੋਵਿਡ ਅਨੁਕੂਲ ਵਿਵਹਾਰ ਅਤੇ ਹੋਰ ਕੋਵਿਡ ਪ੍ਰੋਟੋਕੋਲ ਦੀ ਸਖਤੀ ਨਾਲ ਪਾਲਣਾ ਕਰਨ ਲਈ ਵੀ ਕਿਹਾ ਗਿਆ ਹੈ।

ਗੁਰਮੀਤ ਵੱਲੋਂ ਸ਼ਰਤ ਵਿੱਚ ਘੋਸ਼ਣਾ ਪੱਤਰ ਵੀ ਭਰਿਆ ਗਿਆ ਹੈ। ਜਿਸ ਵਿੱਚ ਗੁਰਮੀਤ ਦੀ ਤਰਫੋਂ ਕਿਹਾ ਗਿਆ ਹੈ ਕਿ ਮੈਂ ਗੁਰਮੀਤ ਸਿੰਘ ਉਰਫ਼ ਰਾਮ ਰਹੀਮ ਪੁੱਤਰ ਸਵਰਗੀ ਮਗਧਰ ਸਿੰਘ ਨੇ ਰੋਹਤਕ ਜ਼ਿਲ੍ਹਾ ਜੇਲ੍ਹ ਦੇ ਸੁਪਰਡੈਂਟ ਰਾਹੀਂ ਵਾਰੰਟ ਹਾਸਲ ਕੀਤੇ ਹਨ। ਰਿਹਾਈ ਦੇ ਇਸ ਵਾਰੰਟ ਵਿੱਚ ਦੱਸੀਆਂ ਸ਼ਰਤਾਂ ਨੂੰ ਸਮਝ ਲਿਆ ਗਿਆ ਹੈ। ਮੈਂ ਸਾਰੀਆਂ ਸ਼ਰਤਾਂ ਮੰਨ ਲਈਆਂ ਹਨ।